እዚ ታሪኻዊ ቤተ መዘክር ኣብ ግምቢ ቫሌኽ( Château de Valère) ይርከብ። ልዕሊ 500 ዕድመ ዘለዎም ታሪኽ ዝሓዙ ኣቅሑት ፡ ጹሑፋት፡ ኣሳእልን ምስሊ ናይ እንስሳታትን ይርከብውም።

እዚ ቤተ መዘክር ኣርት ብዛዕባ ታሪኻዊ ኣቀማምጣ ቫሌ ከምኡውን ኣብ ቤት ትምህርቲ ሳቫየዝ እዋናዊ ዝኾነ ኣርት ተዳልዩ ይርከብ። ኣብ እግሪ ጎቦ ቫሌኽን ቱኽቢዮንውን ክልተ ኣደነቕቲ ግምቢ ይርከቡ።

ኣብዚ ተፈጥሮኣዊ ቤተ መዘክር ቫሌ ብዛዕባ ደቂ ሰብ ምስ ከባቢኦም ዘለዎም ዝምድና፡ ዘርኢ ትሕዝቶ ከምኡውን ብዛዕባ እንስሳታትን ኩሎም ባህርያዊ ጸጋታትን ሓበሬታን ብሓፈሻ ብርክት ዝበለ ኣደነቅቲ ነገራትን ክንዕዘብ ንኽእል።

ናይ ቀደም ቤት ማእሰርቲ ዝነበረ ዝተፈላለዩ ግዚያዊ ዝኾነ ኤግዝብሽን የቕርብ። ቤተ መዘክር ኣርት፡ ታሪኻዊ ቤተ መዘክርን ባህርያዊ ቤተ መዘክርን ንምርኢት የቕርብ። ኣብ ታሪኽ ሃደንቲ ዝጥቀሙሉ ዝነበሩ ኣእማንውን ተዓቂቦም ይርከቡ። ሓቐኛ ዝኾኑ ጥንታውያን ኣእማን ወይ ከኣ ማዕድናት ዝርከቡሉ ጎቦ ኢዩ።

Maison de la Nature
www.maisondelanature.ch
እዚ ሜዞን ደ ላ ናቱኡኽ ኣብ እግሪ ጎቦ ብሞንቶርጅ(Montorge) ዝፍለጥ ኣብ ደንደስ ሓደ ቐላይ ይርከብ። ኣብዚ ቦታ ባህርያዊ ሃብቲ፡ ታሪኻዊ ቦታትን ከምኡውን ዓመታዊ ሓደስቲ ተፈጥሮኣዊ ኤግዝቢሽን ክንዕዘብ ንኽእል። ንኹሎም ስድራቤታት ከኣ ክፉት ኢዩ።

ስነ ጥበባዊ Rainer Maria Rilke ንሓሙሽተ ዓመታት ሂወቱ ካብ 1921 ክሳብ 1926 ኣብ ልዕሊ ስየር ዝርከብ ግምቢ ሙዞ (Muzot) ኣሕሊፍዎ። ኣብዚ ቦታ ኮይኑ ከኣ ቀንዲ ጽሑፋቱን ግጥምታቱን ብቋንቋ ፈረንሳ ጺሒፍዎ። እዚ ማሕበር Rilke ንቤተ መዘክር ሪልከ ዓመት ምሉእ ከፊቱ ናብራ ናይዚ ሰነጥበባዊ ኣብ ቫሌ ዘሕለፎ ዝነበረ ሂወትን ንኤግዝብሽን የቕርብ።

ቤተ መዘክር ወይኒ
ኣብ ማእከል ከተማ ቫሌ ዝርከብ ቤተ መዘክር ዝስተ ወይኒ፡ ክልተ ናይ ምርኢት ቦታታት፡ ኣብ ሴየርን ሳልገሽን፡ ከምኡ’ውን ንኽልቲኡ
ቦታታት ዘራኽብ ሽዱሽተ ኪሎ ሜተር ዝንውሓቱ መገዲ ወይኒ ዘጠቓልል እዩ። ኣብ ሴየር ግዝያዊ ቴማዊ ምርኢታት፡ ኩሉ ምስጢራት
ናይዚ ጥንታዊ ኣብ ጎቦታት ዝፈሪ ምህርቲ ወይኒ ክንዕዘብን ኣብቲ ቀዋሚ ቦታ ኣብ ሳልገሽ ምዃኑ ክንፈልጥ ንኽእል። ንምሉእ ዓመት
ዝኸይድ እዚ ቤተ መዘክር ንሰፊሕ ተዓዛቢ ዝዓለመ ብዙሓት ፍጻመታት፡ ንጉጅለታት ብመሪሕነት ዝግበር ዑደት ከምኡ’ውን ንቤት
ትምህርቲ ዝኸውን ንጥፈታት የቕርብ። እቲ ፓስ (ቲኬት) ናብዚ ምርኢታት ጥራይ ክንጥቀመሉ ን|ኽእል።

ብማሕበር ዩቶፕያ ዝመሓደርን ኣብ ናይ ቀደም መሕረዲ ቦታ ከተማ ስዮን ዝተዶኮነ ኢዩ። ሳልሳይ ደረጃ ዝሓዘት L'archipel ኣብ ኣፍደገ መጻኢ ኣውራጃ ሮንኩዝ ኣብ ልዕሊ 5,000m2 ዝተዘርግሐት እያ። ዕላምኡ ድማ፡ ሳላ ማሕበራዊ ምትእስሳርን ዓንኬላዊ ቁጠባን፡ ህዝቢ እቲ ከባቢ ኣብ ቅድሚ ለውጢ ክሊማን፡ ምጥፋእ ብዙሕነት ህይወትን ዝያዳ ተጻዋርነት ዘለዎ መጻኢ ክሓስብ ምግባር እዩ። እዚ መአከቢን መነቓቕሕን ዝኾነ ቦታ L'archipel ሰፊሕ ዝርዝር ዘለዎ ንጥፈታት፡ ብተወሳኺውን ንኹሎም ተዓዘብቲ ኣገዳሲ መደባትን ፍጻመታትን የቕርብ።

ፈርም ኣዚል ብዙሕ ዓውድታት ዝሓቖፈ ስነ-ጥበባዊ ማእከል ኮይኑ፡ ኣብ ምዉቕ ሃዋህው ናይቲ ንእሽቶ ኣዳራሻቱ፡ ንኹሉ ህሉው ቅድታት ጃዝ፡ ፖፕ፡ ሮክ፡ ብሉስን ዓለምለኻዊ ሙዚቃዊ መደባት ዘንጸባርቕ ኮንሰርት የቕርብ።

ልዕልዝበለ ደረጃ ዘለዎ እዋናዊ ሙዚቃ ኮይኑ ብደቂ ስዮን ዝዳሎ ኢዩ። ብወሩያት ኣርቲስት ዝዳለዉ ሙዚቃዊ ኮንሰርት ካብ ወርሒ መስከረም ክሳብ
ሰነ ንህዝቢ የቕርብ።

እዚ ኣብ ስዮን ዝርከብ ማሕበር ጃዝ፡
ጃዝ ማኑሽ፡ ስዊንግ ዲክሲላንድ ከምኡውን ናይ ኒው ኦርሊያንስ ምርኢታት ኣብቲ ምልኹዕ ዝኾነ ጀርዲን ሜዞን ደ ዲያብል የቕርብ።

ኤለክትሮዚል(Electrozîles) ነፍሲ ወከፍ ዓመት ኣብ ወርሒ ሰነ ኣብ ከባቢ ኦዚል ዝካየድ ናይ ኤለክትሮሊካዊ ዓይነት ሙዚቃ ፈስቲቫል ኢዩ።

ፕውንት 11(Point 11) ንእስ ዝበለ ሙዚቃዊ ምርኢታት ዝዳለወሉ ቦታ ኢዩ። ኣብ ማእከል ከተማ ስዮን ከኣ ይርከብ። ብሓፈሻ ንኹሎም ኣርቲስት ደቂ ቫሌ የኣንግድ። ሙዚቃዊን ባህላዊን መደባት ነፍሲ ወከፍ ዓርቢ የዳሉ።

እዚ ኣይርሽ ጊነስ ፈስቲቫል ሙዚቃዊ ፈስቲቫል ኮይኑ ኣብ ለ ዚል(les îles) ኣብ ወርሒ ነሕሰ ይዳሎ። ምስ ፍሉጣት ኣርቲስት ሌላ ንምግባርን ነዚ በዓል ንምጽንባልን ኮሚተ ጋንስ ኣይሪሽ ፈስቲቫል (Guinness Irish Festival) ንፈተውቲ ሙዚቃ እዚ መደብ ኣዳልዮልኩም ይርከብ።

እዚ እናዓበየ ዝኸይድ ዘሎ ፓልፕ ፈስቲቫል ኣብ ብዙሕ ጽፍሕታት ይነጥፍ። ኣብ ዝተፈላለዩ ከባቢታት ቫሌ’ውን ይካየድ። ኣብ ስዮንን ስየርን ኣርቲስቲካዊ፡ ሙዚቃዊ ብተወሳኺውን ናይ መግቢ መደባትውን ሒዙ ይቐርብ። ኣብዚ ፈስቲቫል Schlösser & Carnötzet ብነጻ ክንሳተፍ ንኽእል።። መግቢ ግን ካብ ክፍሊት ነጻ ኣይኮነን። morgane@palpfestival.ch በዚ ኣድራሻ ቦታ ሓዚእና ኣብዚ መደብ ክንሳተፍ ንኽእል።

እዚ ፈስቲቫል ቀዳመ ሰንበት ኣብ ገምገም ቀላይ ካብ 2006 ዝጀመረ ኮይኑ ንኹሎም ጉዱሳት ካብ ምሉእ ኤውሮጻ ዝመጹ ዝቐርብ ኢዮ። መኹርዒ ዝኾነ ጎቦታት ቫሌን፡ ቀጠልያ ሕብሪ ዘለዎ ደስ ዘብል ቀላይ ጀሮንድ (lac de Géronde), ቀዳመ ሰንበት ኣብዚ ገምገም ቀላይ ግዜኻ ምሕላፍ ፍሉይን ዝኾነ ናይ ርእሱ ዝኸኣለ ጽባቐ ዘለዎ መደብ ኢዩ። ኣብዚ ፈስቲቫል ክትሳተፉ ትደልዩ ናብዚ ኣድራሻ accreditation@auborddeleau.ch ጸሓፍልና። ፓስ ቪያንቨንዮ (pass bienvenue) ከም ዘለኩምውን ሓብሩ።

እዚ እናዓበየ ዝኸይድ ዘሎ ፓልፕ ፈስቲቫል ኣብ ብዙሕ ጽፍሕታት ከምኡውን ኣብ ዝተፈላለየ ቦታታት ናይ ካንቶን ቫሌ ይካየድ። ኣብ ከተማ ስየር ቀዳመ-ሰንበት ኣርትስቲካዊ መደብ፡ ሙዚቃዊ ከምኡውን ኣብቲ ትሕቲ-መሬትን ኣብ መኽዘናትን ወይኒ ኣብ ከባቢ ሙራ Muraz ይካየድ።

Situé à côté de l'ECCG et à proximité de la gare, l'Hacienda de Sierre accueille différents acteurs culturels depuis plusieurs années. Ce lieu propose des concerts de qualité, mais également du cinéma indépendant.

Jazz Station : concerts de Jazz (réservation non nécessaire)
Artsonic : concerts de musiques actuelles (réservation recommandée)
Nachtfalter : soirées techno (réservation fortement recommandée)
Arkaös : projection et conception de films indépendants (réservation non nécessaire)

ትያትሮ ኮሚኮ ኣብ ኩሉ ፕሮግራማቱ ንኹሎም ደቂ ቫሌ ቀዳምነት ሂቡ ንምሉእ ዓመት ይሰርሕ።

እዚ ትያትር ኣሊዘ (le Théâtre Alizé) ናይ ስራሕ ቦታ ኮይኑ ናይ ካምፓኒ ሽም ዘለዎም እዩ። ኣብ ግዜ ባህላውያን ምርኢታት፡ መዘናግዒ መደባትን ትያትርን ክንዕዘብን ንኽእል። ብተወሳኺ ሙዚቃውን ክንሰምዕ ንኽእል።

ብምኽንያት ሕማም ኮሮና ቫይረስ COVID- 19፡እዚ መደብ ተስሪዙ ኣሎ።

እዚ FAR ፋር ተባሂሉ ዝፍለጥ ኣብ ጎደናታት ስዮን ዝቐርብ ፡ ካብ 1999 ኣትሒዙ ብነጻ ዝዳሎ ኮይኑ ተመላኺዑን ፍልይ ዝበለ ሃዋህው ሒዙን ኣብ ቪየይ ቪል ስዮን ንህዝቢ ይቐርብ። እዚ ፈስቲቫል ኣብ ወርሒ ሰነ ይቐርብ።

እዚ ቲያትር ለ ኣል ስየር (TLH-Sierre) ኣርት ናይ መድረኽን ፈጠራኣዊ ስርሓት ዝካየደሉ ማእከል ኮይኑ ድርብ ዝኾነ ስራሕ ይዓምም። እቲ ቀዳማይ ዕላምኡ ንኣርቲስት ምቹእ ዝኾነ ናይ ስራሕ ባይታ ንምፍጣርን ንተዓዘብቱ ከኣ እዋናዊ ዝኾነ ምርኢት ንምቕራብን ይሰርሕ። ንኹሉ ግሉጽነት ዘለዎ ድፍረት ዝተሓወሶ መደብ የቕርብ።
ቦታ ንምሓዝ ኣብዚ ኣድራሻ መርበብ ኢንተርነት www.tlh-sierre.ch፡ ወይውን ብኢመይል(reservation.tlh@sierre.ch) ብተወሳኺውን በዚ ተሌፎን 027 452 02 97 ተወከሱና።

ለ ስፖት ቢራ ዝጽሞቀሉ ቦታ ኮይኑ፡ ዕላማኡ ኣብ ኣርቲስትን ተዓዘብትን ዝምድና ምምስራት ኮይኑ ብተወሳኺውን ኣርቲስት ናይዚ ከባቢን ካብ ካልእ ዝመጹን ምስ ተዓዘብቲ ዝራኸቡሉ ቦታ ኢዩ። ብውህደት ትያትር ደ ቫለኽን ፐቲት ትያትኽን ስዮን ዝቖመ ኮይኑ፡ ዝተፈላለየ ዓይነት ሙዚቃን ብሓደስቲ ቅድታት ዝተሰርሑን ኣብ ትያትር፡ ሳዕሲዒትን፡ ሰርከስን ከም መደብ ዝኣተዉ ኢዩም።

ሚዞን ድ ዲያብል ናይ ማሕበር ፈሊኒ( Fellini) ምስ ሲነማ ዝተኣሳሰሩ ኤግዝቢሽን የቕርብ። ሃብታም ዝኾነ ናይ ባህሊ ምልውዋጥ ንክህሉ ከኣ ዝተፈለለየ መደባት የዳሉ።

ፈርም ኣዚል ኣብ እዋናዊ ስነ-ጥበብ ዝነጥፍ ብዙሕ ዓውድታት ዘለዎ ስነ-ጥበባዊ ማእከል እዩ። ዓበይቲ ኤግዝቢሽን ዝዳለወሉ ቦታታት ብፍላይ ንምርኢታትን ዝተዳለዉ ስርሓትን ኣብቲ ዓቢ ኣዳራሹ የዳሉ። ከምኡ’ውን ሓፈሻዊ ንህዝብን ንስድራቤታትን ኣገዳሲ መደብ ባህላዊ ሽምግልና የቕርብ።

እዚ ዞን 30 ኣርት ናይ ህዝቢ (ZONE 30 Art Public) ኣብ ጎደናታት ለይትን ቀትርን ንምርኢት ይቀርብ። ኣብ ከተማ ዝካየድ ኣርት ብተወሳኺውን ንእዋናዊ ኣርት ንኸዓብን ኽፉት ክኸውን ከኣ ይሰርሕ።

እዚ ጋለሪ ኣርት ሜትሮ ስየር(La galerie Art Métro Sierre) ንስነጥበባዊያን ደቂ ስየርን ከባቢኡን ፈጠራታቶም ከቕርቡ ከምኡውን ስርሓቶም ንህዝቢ ንኽርእዩ ዕድል ይህብ። ኣብ ህንጻ ሜትሮፖል ኣብ መንጎ መንገዲ ባቡርን ሚግሮን ይርከብ። እዚ ኣዳራሽ 12 ምልኩዕ ዝኾነ ንኤግዝቢሽን ወይ ንምርኢት ሰነጥበበኛታት ዝቐረበ ኢዩ።

ማሕበር ጋለሪ ዊ ክሎ ኣብ ቫሌ እዋናዊ ስነ-ጥበብ ንምልላይ ዝብል ዕላማ ዝተመስረተ እዩ። ተልእኾ ድማ እዋናዊ ስነ-ጥበብ ናብ ሰፊሕ
ተዓዛቢ ብምዝርጋሕ ካብ ውሽጢ ዓድን ዓለምለኻውን መድረኽ ንዝመጹ ፍሉጣት ስነ-ጥበባውያን ከምኡ’ውን ንዝቕልቀሉ ስነ-
ጥበባውያን ምልላይ እዩ። ዕላማ እቲ ጋለሪ ስነጥበባውያን ንምቕባልን ምርኢታት፣ ኮንሰርታትን ምርኢታትን ንምውዳብን እዩ።
ካብ ሓሙስ ክሳብ ቀዳም ካብ ሰዓት 4 ድ.ቀ ክሳብ 6 ድ.ቀ ክፉት ኢዩ (ካብ ናይ ስራሕ ሰዓታት ወጻኢ ግን ቆጸራ ምውሳድ የድልይ) ።

እዚ ጋለሪ ግዚያዊ ዝኾኑ ኣብ ወረቐት ዝተዳለዉ ኣርቲስቲካዊ ስርሓት ዝቐርበሉ ቦታ ኢዩ። ብተወሳኺውን ብዕንጸይቲ ዝሰርሑን ቀረጽቲ ንድፊ ዝኾኑ ሰባትን ነዚ ቦታ ከም መንበሪ ይጥቀሙሉ።
ዝተፈላለዩ ቅርጻ ቅርጺ፡ ምህዞታት ተዋሃሂዶም ሓድሽ ዝኾነ ቅዲ ዘለዎም ስርሓት ንምርኢት የቕርቡ።

እቲ ቢግባንግ ዝበሃል ናይ “ፍንጀራ” ቦታ ርእሱ ዝኸኣለ ናጻን ንኹሉ ክፉት ኢዩ። ነፍሲ ወከፍ ረቡዕ፡ እዚ ማሕበር ኣብ ከተማ ሴየር፡
ኣብ ምሕዝነታዊ ኣኼባታት፡ እዋናዊ ስነ-ጥበባዊ ፍርያት የቕርብ።

እቲ 100 ኣርእስታት ዘለዎ ቦታ ኣብ ማእከል ቤተ መጻሕፍቲ ሴየር-ቤተ መጻሕፍቲ ሚድያ (BMS) ዝተዳለወ ምርኢት ዝካየደሉ ቦታ
እዩ። እዚ ቦታ ስእላዊ ስነ-ጥበብ ኣይኮነን። ንፕሮፌሽናል ወይ ፕሮፌሽናል ዘይኮኑ ስነጥበባውያን ከምኡ’ውን ኣብ ስልጠና ንዝርከቡ
ስነጥበባውያን ዝተዳለዎ፡ ኣብ ህቡብ ባህላዊ ቦታ ዝርከብ ምርኢት ዝካየደሉ ቦታ እዩ። ዕላማኡ ከኣ ብዝተኻእለ መጠን ንብዙሓት ሰባት
ንኽበጽሑ ንኽፍቀድን ኣብ መንጎ ብዙሓት ስነ-ጥበባት ዝርርብ ንምፍጣር እዩ። እቲ ቦታ ኣብ ዓመት ኣስታት ሽዱሽተ ምርኢታት
የቕርብ። ኣብ ናይ BMS ናይ ስራሕ ሰዓታት ነጻ ምብጻሕ ክንገብር ይከኣል።

እዚ ፈስቲቫል ሓደ ካብቶም ኣገደስቲ ናይ ክላሲካዊ ሙዚቃ ኣጋጣሚታት ኣብ ቫሊን ኣብ ምሉእ ስዊዝን ኢዩ። ዕላምኡ ከኣ ነቲ ባህላዊ ሙዚቃን ንምዕባይ ብፍላይ ድማ ንሙዚቃ መሳርሒ ቫዮሊን ኢዩ። እዚ መሳርሒ ሙዚቃ ኣብ ስዮን ክንጥቀመሉ ካብ ንጅምር ልዕሊ ፍርቂ ዘመን ኮይኑ ኣሎ። ፈስቲቫል ስዮን ካብ 16 ነሓሰ ክሳብ 3 መስከረም 2017 ይካየድ።

ኣብዚ ዓለምለኻዊ ዝኾነ ፈስቲቫል ደ ለ ኦርግ፡ ጥንታዊ ዝኾነ ሙዚቃዊ ምርኢትን ከመይ ኢሎም ከም ዝጻወትዎን ከም ዝነበሩን ክንዕዘብ ንኽእል። እዚ ሙዚቃዊ ምርኢታት ኣብ ግዜ ክረምቲ ኣብ ሰዓት 4፡00 ድሕሪ ቀትሪ ንህዝቢ ይቐርብ።

ኣብ ከተማ ስዮን ዝርከብ ኣካዳምያዊ ቤት ትምህርቲ ቲቦር ቫርጋ ካብ ኣስታት 250 ሃገራት ዝመጹ ተማሃሮ የኣንግድ። ኣብ ግዜ ክረምቲ ተማሃሮ ናይ ሙዚቃ ፕሮግራም ከዳልው ተኽእሎታት ኣሎ። 40 ዝኾኑ ዝተፈላለዩ ሙዚቃዊ ምርኢታት « Heures Musicales » ካብ ሓምለ ክሳብ ነሓሰ ተዳልዮም ይርከቡ።

ሓደስቲ ብሉጻት ዝኾኑ ስነ ጥበበኛታት ቫዮሊን ንምርካብ ዝግበር ዓለምለኻዊ ተፈላጥነት ዘለዎ ውድድር ኢዪ። ካብ ምሉእ ዓለም 12 ሕጹያት ካብ 14 ክሳብ 17 ዝዕድሚኦም ዝኾኑ ተመሪጾም ኣብ ልዕል ዝበለ ደረጃ ዘለዎ ውድድር ይሳትፉ። እዚ ውድድር ኣብ ነፍሲ ወከፍ 2 ዓመት፡ ካብ መወዳእታ ወርሒ ነሓሰ ክሳብ መጀመርታ ወርሒ መስከረም ኣብ ስዮን ይካየድ።

Festival d’Art Sacré
www.maitrise-cathedrale.ch
እዚ ፈስቲቫል ደ ኣርት ሳክረ(Festival d’art Sacré) ኣብ ግዜ ልደት ዝካየድ ኮይኑ ብምትሕብባር ፎንዳስዮን ሳክረ ከኽን ካተድራል ስዮንን ይካየድ። ኣብዚ ፈስቲቫል እዋናዊያን ዝኾኑ ሙዚቃታ ቀዳምነት ሂቡ ከምኡውን ኣብ ቫሌ ኣብ ብሉጻት ዝኾሉ ስልጠናታት ክንሳተፍ ንኽእል።

Festival Flatus
www.flatus.ch
እዚ ፈስቲቫል ስሕት ኢሉ ዝዳሎ ኮይኑ ምስ ዘይንፈልጦም ማለት ናይ ጥንቲ ዝኾኑ ሙዚቃዊ ምርኢታት ሌላ ንኽንፈጥርን፡ትያትርን ኤግዚብሽንውን ኣብ ጎደናታት ክንዕዘብ ንኽእል።

Riches Heures de Valère
www.lerichheuresdevalere.ch
ዕላምኡ ንጥንታዊ ዝኾነ ሙዚቃ ባሮክ ንምድህሳስ ኢዩ። ዝተፈላለዩ ምርኢታት ኣብ ቫዚሊክ ደ ቫሌኽን(Basilique de Valère) ቪየይ ቪል( Vieille ville de Sion) ኣብ ስዮን ይዳለው።

እዚ ማሕበር ሹበርተየድ ስዮን ኣብ ጥንታዊ ቦታታት ናይ ስዮንካ 11 ክሳብ 12 ዝኾኑ ሙዚቃዊ ምርኢታት የዳሉ። እዞም ምርኢታት ከኣ ነፍሲ ወከፍ ዓርቢ ሰዓት 07፡00 ምሸት ኣብ ፎንዳስዮን ደ ዋልፍ ይካየዱ።

እዚ ፈስቲቫል ፍላቱ (Flatus) ልሙዳት ዘይኮኑ ሙዚቃዊ ምርኢታት፡ ከምኡውን ፍሉጣት ዘይኮኑ ኣብ ዝተፈላለዩ ክፍለ-ዘበን ዝነበሩ ምርኢታት ኢግዝብሽን ንህዝቢ ኣብ ጎደናታት ይቕርብ። ኣብ ወርሒ ግንቦተ-ሰነ ይካየድ።

ሻቶ መርሲየ(Le Château Mercier) ፍሉይ ትሕተ ቅርጺ ዘለዎ፡ ባህሊን ምልኩዕ ጀርዲንን ዝሓዘ ኢዩ። ኣብ ኩጀት ፕራድ (Pradegg) ልዕል ኢሉ ኣብ ስየር ዝርከብ ኮይኑ፡ እዚ ማሕበር ዓመታዊ ሃብታም ዝኾነ ባህላዊ ንጥፈታት ፡ ሙዚቃዊ ምርኢታት፡ ሌላ ክኢላታት ስነ-ጹሑፍን ዝኣመሰሉ ካልኦት ፈስቲቫላት የቕርብ። ሻቶ መርሲየ ንሰነጥበበኛታትውን ኣብ ቪላ ሩፎ(Villa Ruffieux) ከም መንበሪ የገልገል ።

ማሕበር ስነጥበብን ሙዚቃን ስየር፡ ዝምባለኡ ኣብ ክላሲካዊ ብመሳርሒ ዝጽወትን ዓይነት ሙዚቃ ኮይኑ ብተወሳኺውን ምስ ኩሉ ፍልልያቱ ብድምጺ ዝቃነ ካብ ማእከላይ ዘመን ክሳብ እዚ ዘለናዮ ግዜ ዝጽወት ኢዩ። እዞም ምርኢታት ብልምዲ ኣብ ዓቢ ኣዳራሽ ሆተል ደ ቪል(Grande salle de l’Hôtel de Ville) ይካየዱ። .
እዚ ማሕበር ሰነጥበብን ሙዚቃን በብግዚኡ ብሙዚቃውያን ጉጅለታት ዓበይቲ ምርኢት ኣብ ቤተ-ክርስትያን ቅድስቲ ካተርኒን (l’Eglise Ste Catherine) ዝካየድ ኮይኑ ቅድሚ ምኻድና ቦታ ምሓዝ ይድልየና።

L'HEMU Vaud-Valais-Fribourg እዚ ትካል ናይ ፔዳጎጂ ብደረጃ ልዕል ዝበለ ሙዚቃዊ ትምህርቲን ብዙሕ ጻዕሪ ዝሓትት ፍጹምነት ዘለዎን፡ ከምኡውን ዝምድናኡ ምስ ኪኢላታት ንምምዕባል፡ ሙዚቃ ሂወት ንኽረክብ ዓቢግደ ይጻወት። ካብ 2017 ጀሚሩ ኣዚ ትካል l’HEMU ሙዚቃዊ ወቕቲ ኣብ ካቭ ደ ላ ሜዞን ኩርተን ( les Caves de la Maison de Courten) ኣብ ስየር የቕርብ።

እዚ ዓለምለኻዊ ዝኾነ ውድድር ንትሕቲ 26 ዝዕድሚኦም ብሉጻት ተጻወቲ ቫዮሊን ዝተዳለወ ኢዩ። 28 ሕጹያት ካብ መላእ ዓለም ተመሪጾም ደረጅኡ ልዕል ዝበለ ውድድር የካይዱ። እዚ ውድድር ኣብ ነፍሲ ወከፍ 2 ዓመት፡ ካብ መወዳእታ ወርሒ ነሓሰ ክሳብ መጀመርታ ወርሒ መስከረም ኣብ ስዮን ይካየድ።

ንመበቆል ባህሊ ስዮን ንምልላይ ተባሂሉ ብወጻእተኛታት ዝተመርጻ ሰለስተ ፊልም ንህዝቢ ብነጻ ተቕርብ። ሌላ ንምዕባይ ድማ ናይ ሻሂ ፕሮግራም በቲ ፊልም ዘቕረበት ሃገር ይዳሉ።

እዚ ክለብ ናይ ሲነማ ኮይኑ ኣብ ግዜ ሓጋይ(hivernal) ይካየድ። ካብ ሕዳር ክሳብ ሚያዝያ ኣብ ሲነማታት ሲዮን ብስእልታት ኣቢልና ሩሕቕ ንኽንጓዓዝ ይገብረና። እዚ መደብ ሓደ ሰሉስ ሰዓት 06፡30 ምሸት ይቐርብ።

« Regards croisés » ክለብ ናይ ሲነማ ኮይኑ ካብ ጥቅምቲ ካሳብ ሚያዝያ ሓንቲ ግዜ ኣብ ወርሒ ዶኩምንታሪ ፊልም የቕርብ። ምስታ ፊልሚ ኣፍልጦ ዘለዎ ሰብ ዓዲሙ ከኣ ምይይጥ የካይድ። እዋናዊያን ዝኾኑ ትሕዝቶታት ኣንዳ ኣቕረበ ይመያየጠሎምን ኣዕሚቅና ንክንሓስቦሎም ይዕድመናን።

ኣብ ወርሒ ግንቦት፡ ከተማ ስየር ናይ ፊልም መደባታ ተዳሉ። እዚ መደብ DreamAgo ዓሰርተታት ፊልምታት የቕርብ። ብሓጸርቲ ምርኢታት ጀሚሩ ስዒቡውን ሌላ ምስ ዳይረክተር ፡ ኮምዲያን ምስ ጸሓፊኣን ክንብር ንኽእል። እዚ መደብ ድሪምጎ DreamAgo ስርሓት ንድርሰት፡ ታሪኽ፡ ብግቡእ ተሰኒዱን ብጽፈት ተጻሒፉን ክሕተም ይሕግዝ።
ኣብዚ 15 ዓመታት እዚ ቤተ ስርሓት 180 ጽሑፋትን ካብዚኦም ከኣ ነዋሕቲ ቅርጺ ዘለዎም ፊልምታት ተዳልዮም ኢዩም።

ኣብ ጎኒ ECCGን ኣብ ጥቓ መደበር ባቡርን ዝርከብ ሃሲንዳ ደ ሴየር ፡ ንሓያሎ ዓመታት ዝተፈላለዩ ባህላዊያን ተዋሳእቲ ክቕበል
ጸኒሑ። እዚ ቦታ ውልቃዊያን ሲነማታት ዘቕርብ ኮይኑ፡ ጽቡቕ ትሕዝቶ ዘለዎም ምርኢትውን የቕርብ።
Arkaös: ምርኢትን ዲዛይንን ነጻ ፊልምታት የቕርብ(ቦታ ምሕዛእ ኣየድልን)
መደበር ጃዝ፡ ኮንሰርት ጃዝ (ምሕዛዝ ኣየድልን)
ኣርትሶኒክ: እዋናዊ ናይ ሙዚቃ ኮንሰርታት (ምሕዛዝ ይምከር)
Nachtfalter: techno ናይ ቴክኖ ምሸት (ቦታ ምሕዛዝ ብትሪ ይምከር)

ቤተ መጻሕፍቲ ስዮን ንዓበይትን ንህጻናትን ዝኾኑ ምቹእ ቦታ ኣለዎ። ነጻ ካርድ ምስ ዝህልወና (pass bienvenue) ቀዳም 13 ሰነ ክሳብ 09 ጥቅምቲ 2021 ሰዓት 10፡00 ኣብዚ ክልተ ግዜ ኣብ ዓመት ኣብ ዝግበር ዑደት ናይዚ ቤተ መጻሕፍቲ ክንሳተፍ ንኽእል።በዚ ኣድራሻ mv-sion-mediation@admin.vs.ch ወይውን ብቁጽሪ ተለፎን 027 606 45 50 ደዊልኩም ተመዝገቡ።

እንቋዕ ናብ ቤተ መጻሕፍትኹም ብደሓን መጻእኩም! እዚ ኣብ ማእከል ከተማ ስየር ዝርከብ ፡ ኣዕሚቕና ንምሕሳብ፡ ዳህሰሳ ንምግባር፡ ክንሓልምን ክንምሃርን ወዘተ ዝኣመሰሉን ካልኦትን ንጥፈታት ይርከብውም! ቤት መጻሕፍቲ ስየር ልዕሊ 55'000 ሰነዳት(documentaires, littérature, presse et multimédia) ንህጻናት ፡ ንመንእሰያትን ንዓበይትን ኣሰናዲኡ ይርከብ። ንሓደ ዓመት ዝኸዱ ንነኣሽቱን ንዓበይትን ዝኾኑ ከባቢ 100 ንጥፈታት ተዳልዮም ይርከቡ። ካርድ ፓስ ቪያንቨንዩ ምስ ዝህልወና (pass bienvenue) ነቲ ካርድ ቤተ መጻሕፍቲ (BibliOpass) ብነጻ ክንወስድ ንኽእል።

ስዮን ብዙሓት ባህልታት ዝሓቆፈት ከተማ ኢያ። እዚ ማሕበር ነዚ ሃብታም ባህሊ ንምድህሳስ ኣብ ነሓሰ 2022 ዝተፈላለዮ መደባት ኣዳልዩ ይርከብ። ሙዚቃዊ ምርኢታት፡ ሳዕሳዒት፡ ባህላዊያን ምርኢታት፡ ኮንፈረንስ፡ ዛንታታት፡ ብተወሳኺውን ንህጻናት ተባሂሉ ዝዳሎ መደባትን ሒዙ ይቐርብ። በዚ ማሕበር (d’ici et d’ailleurs) ናይ ዝተፈላለዩ ሃገራት መግቢውን ይዳሎ።

እዚ ፈስቲቫል ሌላ ክንገብርን ነገራት ንምጽብራቕን ምቹእ ባይታ ይፈጥረልና። ኣብ ሻቶ መርሲየ (Château Mercier) ዘሎ ሃዋህው ክምስገን ዝግባእ ኢዩ። ዝተፈላለየ ኣጋጣሚታት ማለት ከም ሌላ ብልህታት ሰባት፡ ኣርቲስትን መንፈሳውያን መደባት የቅርበልና። እዞም መዛረቢ ዛዕባታት ከኣ ኣርኪዮሎጂ ፡ ታሪኽ፡ ፍልስፍና፡ ዛንታን ጉዕዞ ሰነጽሑፍን ኢዮም።

እዚ ሜጋማሊስ (Magimalice) ካብ (4 – 7 ans) ዝዕድሚኦም ህጻናት ብሉጽ ዝኾነ ምርኢት ንልዕሊ 30 ዓመት ክኸይድ ዝጸንሐ መደብ ኢዩ። መብዛሕቶኦም ተዓዘብቲ ካብ ከባኢ ስየር ዝመጹ ኢዩም። ሜጊማሊስ (Magimalice) እዚ ከም ኣማራጺ ባህላዊ ንጥፈት ኮይኑ ንመንእሰያት ተባሂሉ ዝተዳለወ ኢዩ።

ላ ላንተርነ ማጂክ፡ ንደቂ 6-12 ዓመት ዝኸውን ናይ ሲነማ ክለብ፡ ኣብ ነፍሲ ወከፍ ወርሒ ኣብ ዓቢ ስክሪን ክትዕዘብዎ እትኽእሉ
ሓዳስቲ ፊልምታት የቕርብ፡ እናዘናግዑ! ፍሉይ ትምህርታዊ ደገፍውን ይህቡ፡ ህጻናት ዓበይቲ ስምዒታት ሲነማ ይመሃሩን ምስ ኣብ
ዕድሚኦም ዘለዉ መዛኑኦም ኮይኖም ፍሉይ ህሞታት የስተማቅሩን፡ ኣብ ርእሲኡ ድማ ነቐፌታዊ ክእለቶም የማዕብሉን።

እታ ንእሽቶ ፋኑስ
ንእሽቶ ሓፍቲ ማጂክ ላንተርን ዝኾነት ላ ፔቲት ላንተርን፡ ካብ 4 ክሳብ 6 ዓመት ዝዕድሚኦም ህጻናት ምስ ወለዶም ወይ ኣያታቶም
ኮይኖም ነቲ ሲነማ ንኽርእዩ ዝውሃቦም ዕድመ እዩ። ላ ፔቲት ላንተርን ኣብ ሓደ ዓመተ ሰለስተ ግዜ መደባት ኣለዋ። ንንኣሽቱ ቆልዑ
ዝምችእ መደብ ፊልምታት ብምቕራብ ንምሉእ እታ ስድራቤት ስሕበት ሲነማ ብርእሰ ተኣማንነት ክትጥቀመሉ የኽእላ።

La Lanterne Magique, le club cinéma des 6-12 ans, propose chaque mois un nouveau film à découvrir sur grand écran, en s'amusant ! Grâce à un accompagnement pédagogique unique en son genre, les enfants apprivoisent les grandes émotions du cinéma et partagent des moments privilégiés avec des camarades de leur âge, tout en aiguisant leur sens critique.

La Petite Lanterne, petite sœur de la Lanterne Magique est une invitation à découvrir le cinéma avec ses parents ou grands-parents pour les enfants de 4 à 6 ans. La Petite Lanterne c'est trois séances par saison. Une programmation de films adaptés aux plus petits qui permet d'apprivoiser en famille la magie du cinéma en toute confiance.